نكت مووووت ديال الضحك

عـقـلـتـــــــــو فـالصغـــر كنـا كنـاكلـــو العصــا فـالمـدرســـة وتنمشيـــو نشــدو فـالحـديـــدة الطـاولـة نبــردو يـدينـــا ......و تـــــاتڭول لصـاحبك لـي حداك و الله مـــاتقصحت



واحد شرا طوموبيل جديدة وحطها قدام الدار و طلع تعشا و ضرب 2 جوانات ونزل ركب
فلطوموبيل مالقاش الڤولان والطابلو والبواطا ڤيتاس! هو يعيط للبوليس :ألو
الشرطة! عتقوني راه الشفارة سرقو لي الڤولان و الطابلو والبواطا ڤيتاس دازت 5
دقائق هو يعاود يعيط للبوليس : صافي بلا ماتجيو راه أنا لي غلطت
ركبت فالكوسان اللوراني




واحد متزوج جالس في الغرفة و هاز في يديه عقد الزواج ديالو و مراتو و كيقلب فيه
مراتو قالت ليه : علاش كتقلب في عقد الزواج ديالنا ؟
المتزوج : مانيش عارف فين كتب العدول تاريخ إنتهاء العقد



طفل كيسول ماماه : ماما ، علاش كتقولي لخويا ملاك ؟
قلت ليه : حيت صغير و ديما الأطفال الصغار ملائكة ، علاش كتسول ؟
قالها : حيت رميتو من الشباك و مطارش
جوج مشاو للمحطة د التران ولقاوه بدا كيتحرك. واحد لحقو نقز فيه وركب، ولاخور ميت بالضحك ما ركبش. مللي سولوه مالك؟ قال ليهم: هاداك المكلخ راه غير جا يوصلني

واحد الراجل قال لمرتو: وجدي راسك اليوم غادي نتعشاو برا ملي رجع للدار ف العشية، لقاها حطات الميدة ف الزنقة
هادا واحد مؤدب بزاف. مللي كيبغي يحل التلاجة كيدق هو اللول
واحد سيد حيد جلابتو وعلقها. شوية وهي تطيح هاديك الجلابة، وهي يقول مع راسو: الحمد لله مللي ما كنتش فيها

واحد الموظف غلط و إتصل بالمدير ديالو و قالو :
جيبلي كاس أتاي لبيرو ديالي يا راس البندير ، إلا تعطلت نخلي دار بوك
رد عليه المدير : واش عارف مع من كتهدر ؟
الموظف قالوا : لا
قال ليه : أنا مدير الشركة أ الحيوان
رد عليه الموظف : و أنت تعرف بعدا شكون اللي كيهدر معاك ؟
قال ليه المدير : لا
الموظف يقول : الحمد لله ... بسلامة